A FORMACIÓN É O CAMIÑO

Arrancamos un proxecto novo...comezamos unha nova aventura...Todos e todas estamos ilusionados/as... Para uns será unha experiencia nova, para outros unha oportunidade de buscar outra vía de acceso ao mercado laboral,...Un mercado cada vez máis cambiante e competitivo!

Todos/as tedes unha motivación diferente pola que vos embarcachedes neste programa:

• Obter un certificado de profesionalidade. 
• Aprender un oficio.
• Reciclarse.
• Acceder ao mercado laboral por primeira vez.
• Etc... 

Para acadar ese obxectivo necesitamos da formación porque é un pilar básico para adquirir os coñecementos, competencias e habilidades necesarias para desenvolvernos posteriormente.

Durante estes 9 meses que tedes por diante ides prepararvos para obter o Certificado de profesionalidade de Operacións auxiliares en viveiros, xardíns e centros de xardinería.

Os certificados de profesionalidade son o instrumento de acreditación oficial das cualificacións profesionais do Catálogo Nacional de Cualificacións Profesionais no ámbito da administración laboral.

Estes certificados acreditan o conxunto de competencias profesionais que capacitan para o desenvolvemento dunha actividade laboral identificable no sistema produtivo sen que iso constitúa regulación do exercicio profesional.

Teñen carácter oficial e validez en todo o territorio nacional e son expedidos polo SEPE (Servizo Público de Emprego Estatal) e os órganos competentes das Comunidades Autónomas, no noso caso a Xunta de Galicia.

Logo de obter o certificado os que queiran continuar formándose poden acceder á Formación Profesional da mesma familia, dado que os certificados comparten módulos formativos que se poden convalidar coa formación que se imparte nos centros de formación regrada.

E remato con unha frase célebre...

"Ás prantas enderezaas o cultivo, aos homes a educación."

J.J. Rousseau